عن العشق والفراق

بدوووون مقدمااات تفضلوووا حبايبي

وادا عجبككم قيموني

ننشووووووووووووووووووف

ليت نار المحبـة .. بالمحانـي تشـب




دام حزني نسيـم .. وذكرياتـي جمـر






وليت كل الخلايق لا تمـادت .. تحـب




كان شفت المساء ساجد سجود الشكـر






وليت نور المدينـة مـا درى وإكتـأب




وما طفى .. يوم قرب موعدك يالسفـر






كن الأيـام طفلـة .. تستحـق العتـب




تركض ولا درت باللـي وقـف منقهـر






غابت من السماء شمس .. وبدا ينكتب




عالصدر .. وش كثر حبيتها .. وش كثر






داخل القلب بنـت ٍ .. غارقـة بـالأدب




ما تساوت مـع باقـي بنـات البشـر








طيبـة .. ماتعـرف إن المحبـة تعـب




ناعمة .. ما تعرف إن الغصن ينكسـر






تلمس الأرض .. تتحول مناجـم ذهـب




تدعي الغيم .. يحضر في يديهـا البحـر






تبتسم .. تضحـك الدنيـا بليـا سبـب




كنهـا مابغـت تلقـى وسيعـة صـدر






غيـرت طعـم هالدنيـا بطعـم العنـب




صار كل الكلام اللـي تقولـه .. عِبـر






كل الأسماء .. وكل ما سمّي و ما إنكتب




زخرفه .. لإسمها الجالس بعرش السطر






كنت أحبه وأحب الماء وأحـب السحـب




وصرت احبه وأحب إسمه وأحب السهر






لي متى ..والزمن قاسي وطبعه صعـب




لي متى .. والفراق أردى رفيق ٍ حضـر






لي متى .. أنتظر ريـح التلاقـي تهـب




وتنقشع غيمة الغيبة .. وبـرد السفـر